Aon duine a bhí i láthair ag Puball Gaeilge Electric Picnic i mbliana, beidh taithí acu ar an spraoi iontach a bhí le fáil ann agus leanfaidh an saghas céanna spleodair ar aghaidh Dé Céadaoin 7 Deireadh Fómhair nuair a bheas mórócáid eile ar siúl sa Button Factory i mBarra an Teampaill, BÁC.

I measc na gceoltóirí a bheas ar an ardán ag Focal sa Factory beidh cuid acu sin a bhí le cloisteáil ag an Phicnic, mar atá Fiach, Ophelia, Bubba Shakespeare agus Enda Reilly.

Eagraithe ag Seachtain na Gaeilge agus Club Sonas, beidh Grúpa Tí Sonas ag casadh don chéilí mór agus beidh Sibéal Davitt, Darach Mac Mathúna, Cormac Murphy agus Mairéad Hurley ag cur an Sexy Sean Nós i láthair.

Athróidh an ceol go hiomlán ansin nuair a sheinnfidh DJ de chuid Raidió na Life, Stephanie Nic Aonghusa, na hamhráin is cailiúla le fonn!

Tá ticéid ar fáil tríd an choras Pay Pal ar www.clubsonas.com, áit a bhfuil físeáin agus tuilleadh eolais mar gheall ar aíonna na hoíche.

Is féidir iad a cheannach chomh maith ó Chonradh na Gaeilge, BÁC, agus ón Button Factory ar an oíche.

Osclaíonn na doirse ar 8in agus tá €10 ar an doras nó €7 do mhic léinn.

Beidh SONAS an tSamhraidh ar súil amárach, Dé Céadaoin 10 Meitheamh, sa Button Factory (Temple Bar Music Centre) BÁC ag 8in.

Beidh ceol, amhránaíocht agus damhsa den scoth ann ón ngrúpa Slide, réalta mhór an All-Ireland Talent Show Dáithí Ó Drónaí agus a fhidil leictreonach agus ar ndóigh Grúpa Tí Sonas.

Tá tuilleadh eolais mar gheall ar na haíonna chomh maith le fís ón uair dheireanach a raibh siad ag seinm le feiceáil ar clubsonas.com

€15 an costas ag an doras ar an oíche ach tá ticéidí ar fáil ar €10, (€7 mic léinn) ó Chonradh na Gaeilge, 6 Sráid Fhearchair, Baile Átha Cliath 2.

Ná caill amach ar chóisir mhór na nGael i mBaile Átha Cliath an tsamhraidh seo!

Ón bharr: Ian Dempsey agus Bláthnaid Ní Chofaigh; Rónán Mac Aodha Bhuí agus Aoibhinn Ní Shuilleabháin; Declan O’Rourke le cuid den slua a bhí i láthair sa Button Factory; Fiach i mbun ceoil ar an ardán.

Grianghraif: David Fleming