Comments on: CCTV – cé atá ag faire ort?

By: Gghrafadóir

Gghrafadóir — Tue, 24 Feb 2009 15:16:06 +0000

Níl fadhb rómhór agam féin leis na ceamaraí, fhad is go mbaintear úsáid astu le haghaidh coir a stopadh.
Ach is cinnte go bhfuil roinnt ceamaraí in ann daoine a aithint na mílte ar shiúl. Gabh chuig an suíomh seo http://gigapan.org/index.php go bhfeicfidh sibh!

By: Diarmuid Ó Muirgheasa

Diarmuid Ó Muirgheasa — Tue, 24 Feb 2009 15:05:21 +0000

Níl aon fhadhb agam le ceamaraí, ach cheisteoinn an bhfuil ceamaraí dá leithead aon phioc chomh maith le Garda ar chúinne sráide. Léigh mé le déanaí go bhfuil rud éigin ar nós 90% de cheamaraí sa Bhreatain ar chaighdeán ró-íseal chun daoine a aithint sna pictiúir a ghlacann siad. Seans go mothaíonn sé rud beag níos sábháilte le ceamaraí ann, ach sa chás go dtarlaíonn coir n’fheadar cén maitheas a dhéanann siad.

Diarmuid

By: Cú Chonnacht

Cú Chonnacht — Tue, 24 Feb 2009 12:25:17 +0000

Caithfidh mé a rá nach bhfuil fadhb dá laghad agamsa le TCI timpeall Baile Átha Cliath nó aon chathair eile ina bhfuilim. Tá a leithéid de fhaireachas ríthábhachtach chun coireacht in aghaidh daoine agus maoine a laghdú.
De ghnáth is ionann TCI agus Garda ar chúinne sráide.

By: Dinky

Dinky — Mon, 23 Feb 2009 16:36:08 +0000

Roinnt blianta ó shin bhí cara liom as Ard Mhacha Theas ag inse scéil dom faoi uair amháin agus é ag siúl ar ais abhaile. Bhí ceamara de chuid fórsaí slándála na Breataine ag bun an bhóthair agus ar chúis éigin luaigh sé an ceamara sa gcomhrá a bhí aige leis an duine a bhí in éineacht leis ag an am. Díreach tar éis dó an ceamara a lua, thionnaigh an ceamara thart agus lean sé iad ag siúl an bhóthair!
Táim cinnte go bhfuil fórsaí agus peas ar fud an domhain ag faire orainn bealach amháin nó eile…

By: Normanach Eile

Normanach Eile — Mon, 23 Feb 2009 14:15:04 +0000

Níl’s'am cé atá ag faire ormsa ach táim féin ag faire ar an site nua iontach seo!
Dála an scéil, an é seo an Búrcach atá bainteach leis an gCumann Gaelach in QUB?