Seolfar Seachtain na Gaeilge 2009 sa Button Factory in Ionad Ceoil Bharra an Teampaill, BÁC, amárach 25 Feabhra.
Blathnaid Ní Chofaigh agus Ian Dempsey a sheolfaidh an fhéile agus in éineacht leo beidh cuid de na ceolróirí a bheas le cloisteáil ar albam SnaG na bliana seo – Ceol ‘09 – Declan O’Rourke, Fiach, Saccade agus Pádraig Ó Sé ina measc.
Táthar ag cur baillchríche ar an albam faoi láthair agus seolfar é i mí Mhárta.
Ar na hamhráin atá san áireamh i mbliana tá Falling Slowly, a bhuaigh Oscar anuraidh don Amhrán Nua is Fearr, agus leagan Gaeilge d’amhrán iontach Mick Flannery, Tomorrow’s Papers.
Tá iontrálacha ann ó bheirt amhránaithe a bhfuil ardchlú bainte amach acu le tamall, mar atá Duke Special agus Cathy Davey agus beidh an Speall é féin, John Spillane, ann chomh maith lena leagan féin de An Poc ar Buille.
Beidh tuilleadh faoi Ceol ‘09 ar eagrán Márta nós* agus tosaíonn an chraic ar fad sa Button Factory ar 6in.
Tosóidh Seachtain na Gaeilge féin ar 2 Márta agus leanfaidh sé ar aghaidh go 17 Márta.
Níl a fhios agam faoi Ian Dempsey ach beidh mé ann amárach ar aon nós*.
SnaG abú!
Beidh mé ann n8. An bhfeicfidh muid nós* ann?
An féidir an albam nua a fháil go fóil??
Ní go fóill Niall, beidh sé ar fáil ar an mí seo chughainn de réir mar a thuigim.
Go raibh maith agat Séamaí
Bhuel, aon tuairisc ó éinne faoin spraoi sa mButton Factory ?
Chualas go raibh slua mór ann.
Bhí sé iontach ar fad. Thart ar 400 déarfainn, le ceol ó Declan O’Rourke, Fiach agus Saccade. Is áit deas í an Button Factory agus bhí sé thar barr an oiread sin daoine óga srl. a fheiceáil ann.
Chonaic mé seastán ó nós* ann chomh maith!
For fans of Duke Special you can watch the Sweet Kisses video and download a free track from the widget below – enjoy!
http://www.clearspring.com/widgets/48d90d17343c3194?p=48d90d17343c3194